Assam election : BJP-in party manifesto tlangzarh

Bharatiya Janata Party (BJP) president J P Nadda chuan Assam assembly inthlan neih tur atana an party manifesto, 'Vijay Sankalp' chu nimin khan Guwahati-ah a tlangzarh. 

Manifesto-ah hian BJP kaihhruaiin sorkar a siam leh chuan state mipuite tana tih tur an tiam 10 an tarlang a, chungte chu -- Tuilian vanga chhiatna an tawh leh nunna chan tam tak an awm ṭhin titawp a nih theihna atana hma lak a, reservoir siam te, Dubri-Sadiya inkar lui thenfai-  Thla tina Orunodoi scheme hnuaia thla tina hmeichhiate hnena Rs 830 pek ṭhin chu Rs 3,000-a tihpun. - Tribal institute, Namghars leh Satras tan grants in aid Rs nuai 2.5 thleng pek leh, dan loa Satras leh Namghars ram luahsakte lak leh a nih theihna atana hma latu tur task force din. - ‘Mission Bala Unnayan' hnuaiah sorkar enkawl zirna inah naupangte a thlawna zirna pek, Class 8 chin zirlaite chu a thlawna thirsakawr pek an ni bawk ang. - National Register of Citizens (NRC) tihdik leh siamṭhatna tura hma lak a, dan loa Assam-a pem lutte he list aṭanga paihchhuah vek.- Kum nga chhunga chaw lam chia an intodelhna turin Assam Aahar Atmanirbharta Yojana siam a ni ang. - Ṭhalaite tan sorkar hna nuai hnih siam a ni dawn a, heng zinga nuai khat chu March 31, 2022 hmain siam a ni ang. - Entrepreneurship lama kal duh ṭhalaite puih leh chawikan. - Ram leilung fa dik tak, anmahni puala ram neilote hnenah a tahtawla land patta sem. Kum 5 liamta chhung khan mi nuai thum hnenah land patta hi sem a ni tawh a ni, ram nei lo zawng zawng hnenah pek vek tum a ni.