Meghalaya-in Covid-19 test man tihniam

Meghalaya sorkar chuan Covid-19 hripui leng thawh hnihna thleng thei lakah invengna kawngah hma a la mek a, test tam zawk neih a nih theihna atan Covid-19 test man pawh health department chuan a tihniam. RT-PCR leh CBNAAT  test, Rs 1,000 man ni ṭhin chu Rs 500-ah tihhniam a ni a, RAT test, Rs 500 man ni ṭhin pawh Rs 250-ah tihhniam a ni bawk. Health minister Al Hek chuan state sorkar chu hri leng thawh hnihna thleng palh thei lakah theihtawpin alo inbuatsaih lawk tih a sawi a, mahse hemi avang hian lockdown puan erawh an tum mai lo tih a sawi. "Covid-19 hri darh tur laka invenna siamte chu taka kenkawh zel a ni dawn a, mipuite chu inthlahdah lo tur leh, sorkarin kaihhruaina a siamte zawm chhunzawm zel tura ngen an ni," a ti.