Kohima SBI ATM aṭanga Rs vbc 1.8 ru chhuaktu man

Nagaland police-te chuan Kohima khaw­puia State Bank of India (SBI) ATM hrang hrang aṭanga Rs 1,84,56,500 ru chhuaktu mi pahnih an man. 

Police-ten an mante hi Mankai Konyak (32) leh Santosh Khatri (27) te an ni a, SBI tana ATM-a pawisa chhunkhat hna thawktu, Writer Business Service Pvt. Ltd.-a ATM operator-te an ni. Kohima khawpui chhung­a SBI ATM 15-a pawi­sa dah luhte chu Rs 1,84,56,500 in a kim lo tih hriat a nih hnu­ah North Police station-ah thubuai thehluh a ni a, sub-divisio­nal police officer (North) kaihhruaiin Special In­ves­tigation Team (SIT) chuan an chhui zui nghal a ni.

Police-te chuan an mi mante kut aṭang hian Rs 38,48,000 an hmu let. ATM-a dah tur pawisa tihchingpenna inhnamhnawih dangte chhui zui mek a ni bawk.