SC-in Assam NRC chungchanga petition lut a ngaihtuah

Supreme Court chuan Thawhṭanni khan Assam-a National Register of Citizen (NRC) chungchanga petition thehluh a ngaihtuah. He petition-ah hian NRC kalpui vang hian khua leh tui an nihna la tihchian ve loh, naupang 60 zet chu detention center-ah dah an ni tih tarlan a ni.

 

Chief justice of India SA Bobde kaihhruai bench chuan petition hi ngaihtuahin, Assam sorkar hnenah pawh kar li chhung ngeia affidavit thehlut turin a hriattir nghal bawk. Law officer KC Venugopal chuan Assam NRC-a an nu leh pa tel, mahse an fate la tel ve lote chu nu leh pate lak aṭangin lakhran an ni tawh dawn lo tih a sawi. 

Citizenship law siamṭhat a nih hnuah kum 2004 hnu lama India rama piang chu an nu leh pate India khua leh tui dik tak an nih chauhin khua leh tui anga ngaih a ni. Mahse a nu emaw, a pa emaw zawkin India khua leh tui a nih loh chuan naupang chu Indian citizen anga pawm a ni lo.