Meghalaya Selsella-ah NPP chak, Nagaland Aonglenden-ah NDPP

Lok Sabha inthlan kalpui a nih mek lai khan Meghalaya state assembly-a Selsella constituency-ah leh Nagaland-a Aonglenden constituency-ah by-election neih a ni a, Ningani khan by-election result hi puan ve nghal a ni.

Meghalaya-a Selsella seat-ah hian National People’s Party (NPP) an chak a, NPP candidate Ferlin CA Sangma chu thlan tlin a ni. Selsella bial hi Congress MLA thi ta Clement Marak-a bial a ni a, NPP hian an chhuhsak ta a ni. Felin hian amah hnaih bertu Congress candidate June Eliana R Mark chu vote 4396-in a hneh.

Nagaland Aonglenden by-election-ah hian Nationalist Democratic Progressive Party (NDPP) candidate kum 37 mi, Sharingain Longkumer chu a chak thung a, Nagaland state legislative assembly member zinga naupang ber a ni ang. Longkumer hian amah hnaih bertu Congress candidate Alem Jongshi chu vote 6245-in a hneh a ni.