Bhaichung-an an chak loh a pawm

India football captain hlui leh Sikkim-a Hamro Sikkim Party (HSP) wor­king president Bhaichung Bhutia chuan Inrinni khan inthlana an chak loh chu a pawm tih sawi­in, sorkarna siam tur Sikkim Krantikari Morcha (SKM)-te chu a lawmpui tih a sawi.

Seat 32 awmna Sikkim state assembly inthlan­ah hian SKM hian seat 17 an la a, sorkar lai Sikkim Democratic Front (SDF) chuan seat 15 lain, HSP hian seat pakhatmah an la lo thung. Bhutia chuan SKM leh an president PS Golay chu assembly inthlana an chak avangin a lawmpui tih a sawi a ni.

Bhaichung Bhutia hian nikum April thlaah khan HSP hi a din a, tun inthlanah khan candidate 20 an nei a, tumah an chak zo lo a ni. Amah ngei pawh hi seat pahnih- Gang­tok leh Tumen-Linging-ahte dingin a chak lo ve ve bawk.