Meghalaya-in kum 2025-ah TB natna umbo tum

Meghalaya health and family welfare minister AL Hek chuan Nilaini khan kum 2025-a an state aṭanga tuberculosis natna umbo a nih theihna atana sorkarin hmalakna tura ruahmanna a siam, '‘Meghalaya State Strategic Plan to eliminate Tuberculosis by 2025’ a tlangzarh.

Kum 2002, October 2 khan Meghalaya-ah hian Revised National Tuberculosis Control Programme (RNTCP) hawn a lo ni tawh a ni. Kum 10 liam ta chhung khan he programme hnuaiah hian 4,74,767 te endik niin, TB vei mi 76,485 enkawl an ni a, an zinga 63,789 chu enkawl dam an ni. RNTCP success rate hi 83% a tling. 

Minister chuan TB natna chu an state-ah chauh ni lo, ram pumah natna buaina zingah a la tel reng tih a sawi. Prime minister Narendra Modi pawhin kum 2018 khan India ram aṭangin TB natna chu kum 2025-ah umbo hman tum a nih thu lo sawi tawh a ni, a ti.