Tripura-ah hmeichhe chunga pawikhawihna thleng tlahniam

Tripura chief minister Biplab Kumar Deb chuan Legislative Assembly budget session neih meka thu a sawiah, nikum chhung khan an state-a hmeichhiate chunga pawikhawihna thleng chu kum 2019 aiin 18.41% in a tlahniam tih a sawi. 

Budget session ni lina, Nilainia thu a sawiah CM chuan a kaihhruai sorkarin hmeichhiate laka pawikhawihna thleng ṭhin vengin ERSS (Emergency Response Support System) leh Beat System hmanga theihtawpa hma a lak thu a sawi bawk. 

Home ministry changtu ni bawk, CM Deb chuan CPIM MLA leh minister hlui, Bijita Nath-a'n an state-a hmeichhiate laka pawikhawihna thleng hluar zel chungchangah action lak a tul ṭhu a sawi a chhannaah he thu hi sawiin, kum 2019 nena khaikhin chuan kum 2020-ah pawngsual thubuai 15.4% in a tlahniam a, mipat hmeichhiat lam hawia inkhawihna thubuai tlakhniamna chu 21.3% niin, hmeichhe rukbo thubuai chu 20.3% leh mo thuam chhawm kaihhnawiha thihna thleng thubuai thehluh chu 39.5% in a tlahniam tih a sawi.