Sikkim CM thar atan PS Golay lalut

Sikkim Krantikari Morcha (SKM) president Prem Singh Tamang, PS Golay tia hriat lar chu nimin khan Sikkim Chief Minister atan lakluh a ni.

State khawpui Gangtok-a Paljor Stadium-ah Governor Ganga Prasad chuan rinawmna thu a tiam tir a, rinawm­na thutiam hi Nepali ṭawngin a la a ni. He hunah hian SKM thlawptu mi tam tak an pungkhawm a, chief minister hlui Pawan Kumar Chamling leh Sikkim Democratic Front (SDF) hruaitu hlunte erawh he hunah hian hmuh tur an awm lo.

PS Golay hi kum 51 mi a ni a, 2013 khan SKM hi a din a ni. Kumin inthlanah khan seat 32 awmah seat 17 lain hnehna an chang a, sorkar lai SDF chuan seat 15 an la thung. Hetihlai hian Zirtawpni liamta khan chief minister nilai, Pawan Kumar Chamling chuan governor Ganga Prasad hnenah  banna a lo thehlut tawh bawk. Pawan Chamling hi a cabinet minister ten an ṭawimawm a ni.

Chamling hi India rama chief minister dinhmun luah rei thei ber a ni a, kum 1994 December 12 aṭang khan CM dinhmun hi luah ṭanin, May 24, Zirtawpni khan CM nihna dinhmun hi a chhuahsan ta a ni.