Criminal case nei awm lohna Sikkim assembly
Kumin Sikkim state assembly inthlanna a thlantlin zingah khan an affidavit aṭanga a lan ang chuan, criminal case nei an awm lo.
Election watchdog, Association for Democratic Reforms (ADR) chuan report an tihchhuahah 2009 hnu lama a ṭum khatna turin Sikkim assembly-ah hian criminal case nei an awm lo tih an tarlang.
Sikkim MLA thlan thar zingah hian mi 24 (75%) chuan cheng vaibelchhe 10 chuang an nei a, SDF MLA 15 leh SKM MLA 11-te chuan cheng vaibelchhe khat an nei tling bawk. Kum 2009-a MLA-te affidavit thehluh nena khaikhin chuan kumina MLA-te hausakna hi 20% zetin a tam zawk a ni.
ADR chuan MLA zinga 50% chu primary leh higher secondary education level an nih thu an tarlang a, a bak zawng chu graduate leh a chunglam an nih thu an tarlang bawk. MLA hmeichhia pathum an awm bawk a ni.