Assam Congress chief Ripun Bora-an a nihna dah

Assam Pradesh Congress Committee president Ripun Bora chuan party president a nihna aṭanga banna chu Congress president Rahul Gandhi hnenah a thehlut.

Ripun Bora chuan a banna lehkhaah hian Assam-a Lok Sabha inthlana an party chetchhiat chhanah mawh a phur tih ziakin, zahthlak taka an chak lohna chhan chu engvang pawh nise a chhia leh ṭha hriatna chuan Assam PCC president ni reng turin a remti tawh lo tih a ziak.

An party tan erawh rinawm takin a la thawk reng dawn tih ziak bawkin, an party-in hmel thar an neih theihna turin amah thlaktu tur ruatfel vat ṭhaa a hriat thu a ziak bawk. Assam-ah hian Congress chuan Lok Sabha seat 14 awmah seat pathum an la a ni.