AP sorkar hruaitute lalut fel

Arunachal Pradesh BJP chuan nimin khan sorkarna an siam fel a, Chief Minister Pema Khandu leh minister thar dang 11-ten rinawmn thu an tiam.

Governor B D Mishra chuan rinawmna thutiam hi a tiam tir a, Itanagar-a State Convention Centre-ah nimin chhun dar 12.30 khan rinawmna thu tiam tirin chief minister leh minister dangte hi a lalut a ni.

Tun ṭum hian Arunachal Pradesh-ah a ṭumkhatna turin thlantlin BJP sorkar a ding dawn a, 2016 khan BJP sorkar hi ding tawh tho mah se thlan tlin sorkar an ni lo. Kum 2016 khan Pema Khandu ho hian Congress MLA 33-te chuan People's Party of Arunachal an zawm a, hemi hnu hian BJP an zawm leh a ni.

Seat 60 awmna Arunachal assembly inthlanah hian BJP chuan chiang taka hnehna changin seat 41 an la a, MP seat hnih an la bawk. Lakluh inkhawmah hian Assam chief minister Sarbananda Sonowal, Tripura CM Biplab Kumar Deb, Nagaland CM Neiphiu Rio, Meghalaya CM Conrad K Sangma leh Manipur CM N Biren Singh-te pawh an tel a ni. 

Chowna Mein chu deputy minister a ni leh dawn a, minister dang 10-te chuan an portfolio an la insem fel lo thung.