Manipur-ah NSCN (IM) camp chhuhsak

Manipur-a Todaijang thingtlang khuaah security force-te chuan hel pawl National Socialist Council of Nagaland- Isak Muivah (NSCN-IM)-te camp chu May 25 khan an chhuhsak.

Defence official-te chuan NSCN-IM-te hi Todaijang khuaah hian inkulhin khaw mipuite lakah pawi an khawih ṭhin tih report an dawn chu bawhzuiin, May 24 zanah khan beihpui an thlak ta tih an sawi. Sipai-ten an camp lama beihpui an thlak tih an hriat velah helte chuan an camp chu an rauhsan tih an sawi a, ralthuam, silaimu, uniform leh ralthuam dahṭhatna ni awm tak eng emaw zat chu an tlansan tih an sawi bawk.

NSCN-IM-te hian inkahhai puan chu an la thutak lo hle tih a langchiang hle tih an sawi a, civil mite lakah harsatna an thlen reng tho tih an sawi. Tualchhung mite chuan NSCN-IM-te chuan an chenna in tihchhiat leh khaw mite tihbuaina thleng ṭhinah security force-te chu dik lo taka puh an tum tih an hrilh thu an sawi a, khawtlang hotu pakhat chuan NSCN-IM-te chu an rilru hnehtir lo tur leh security force-te thlawp tlat tura khaw mipuite a ngen thu an tarlang bawk.