Manipur : Congress MLA 12-te'n Party-a an nihna an bansan

Manipur-a Congress hruaitu, MLA 12-te chuan an state unit-a an post chelh mek aṭanga banna lehkha chu state Congress president Gaikhangam hnenah an thehlut. 

Heng Congress MLA an nihna basante hian thuthar thehdarhtute hnenah an party tan grass root level aṭanga thawha an party tihchak an duh tih an sawi. Nihna bansante hi - Govindas Konthoujam, K Ranjit Singh, N Loken Singh, Md Nasir, DD Thaisii, Kh Joykisan, Fajur Rahim, RK Imo Singh, K Meghachandra Singh, Chaltolian Amo, Alfred K Arthur leh D Korungthang-te an ni.

Tun Lok Sabha inthlan neih zawh takah khan Manipur Congress hian an state seat pahnihah hnehna an chang zo lo ve ve a ni. MLA-te hian Congress idelology chu an pawm reng tih sawiin, an inkaihhruai dan erawh ennawn a ṭul an tih thu a sawi.