AP: NPP-in Khandu sorkar thlawp dawn

Arunachal Pradesh state assembly inthlana seat panga latu, National People’s Party (NPP) chuan chief minister Pema Khandu kaihhruai BJP Sorkar chu an thlawp dawn tih an sawi.

NPP Legislature Party leader Mutchu Mithu chuan Pema Khandu sorkar an thlawp tih sawiin , inthlan result puan a nih hnu lawkah khan Chief Minister chu NPP national president Conrad K Sangma nen inbiain thutlukna an siam nghal tih a sawi bawk.

NPP hi BJP kaihhruai North East Democratic Alliance (NEDA) member an ni a, Aruna­chal-a BJP-in hnehna an chan pawh khan NPP hian Pema Khandu an lawmpui thu an tarlang nghal a ni.

Hetihlai hian NPP hian Khon­sa West-a an MLA Tirong Aboh thihna chhui turin National Investigation Agency (NIA)-te an ngiat thu an sawi bawk.