Meghalaya-in Guinness World Record siam tum Environment Day-ah thingkung mtd 1.5 phun dawn
Meghalaya chuan World Environment Day 2019 hian thingkung maktaduai 1.5 phun an tum a, hemi hmang hian Guinness World Record siam an tum a ni.
West Garo Hills Deputy Commissioner, Ram Singh chuan Thawhlehni khan hemi chungchangah hian district official-te koin meeting a neihpui a, sumdawngte pawh meeting-ah hian an tel a - hmalak dan tur an rel a ni.
Meeting-ah hian Deputy Commissioner chuan Meghalaya sorkarin nikum khan Meghalaya One Citizen One Tree (MOCOT) Campaign an tlangzarh tawh tih sawiin, hemi hmang hian sorkar hmalakna zulzuiin mipuite rilruah state chhunga thing phun lam uarna rilru tuh tum a nih thu a sawi. An tum ber chu eco-system chhe zel dawmkanga siamṭhat a nih thu a sawi bawk.
World Environment Day hi June 5 hian hman a ni dawn a, kumin theme atan hian 'Air Pollution' tih hman a ni ang. Deputy Commissioner chuan dawr neitute zawng zawng pawh plastic 50 micron aia chhah hmang lo turin a hriattir bawk a, hmang lui an awm chuan an lakah hremna lekkawh a ni dawn tih a sawi bawk a ni.