Inthlan kaihhnawihah Sikkim-ah buaina a chhuak CM PS Golay-a'n vauna thu khauh tak a tichhuak nghal

Sikkim-ah inthlan kaihhnawiha buaina chhuak report a awm avangin Chief Minister thar PS Golay chuan Facebook-ah vauna thu khauh tak tichhuak nghalin, inhnamhnawihte lakah hremna lekkhawh a ni dawn tih a tarlang.

Chief Minister chuan police-te chuan dan ang takin na takin hremna an lekkawh dawn tih sawiin, SKM hminga pawikhawihnaa inhmahnawihte chu an hrem ngei dawn tih a tarlang. An party member zingah buainaa inhnahmhawih an awm a nih chuan party aṭangin an hnawtchhuak dawn tih a sawi bawk.

Inthlan result puan hnuah khan Sikkim South district-ah buaina a chhuak tih report a awm a, eptu party SDF thupuangtu KT Gyaltsen chuan dan ang taka hremna lekkawh a ngiat tih a sawi. Report-a tarlan dan chuan Kopchey South Sikkim-a SDF thlawptute chuanna lirthei chu hal a ni a, Namchi Police Station-ah pawh thubuai eng emaw zat ziahluh a ni bawk. 

Buaina chhuah chhanah hian SDF-te'n Chief Minister-in rinawmna thu a tiam tur boycott an tum chu puh a ni a, Namchi leh Malli-ah buaina hi a chhuak nia tarlan a ni bawk.