ECI-in Assam BJP candidate laka complaint thehlut

Election Commission of India (ECI) chuan Assam-a BJP candidate Banendra Kumar Mushahahry chu Dubri district-a election rally neihnaah bawngsa chungchanga a thusawi dan avangin a lakah complaint a thehlut. 

Banendra Kumar Mushahary hi Gauripur constituency-a BJP candidate a ni a, election rally-a neihnaah bawngsa khap theih a nih loh thu sawiin, "Bawngsa hi national food a ni," tiin a sawi. He thu a sawina video clip hi social media lamah pawh a darh nasa hle. 

Mushahary thusawi avang hian Dubri district-a cheng mi ṭhenkhat chu an lungawi lo hle a, thupha chawi turin an phut a ni. A thusawi chungchang hi Purbanchal Hindu Aikya Mancha chuan election commission hnenah a hriattir a, hemi hnu hian  ECI chuan Gauripur police station-ah FIR a thehlut a ni. 

Nikum December 29 khan Mushahary hian BJP hi a zawm a, kum 1996 assembly inthlanah khan Guripur bialah hian independent candidate-a thlan tlin a ni a, kum 2001 Asom Gana Parishad (AGP) candidate-in thlan tlin a ni leh a, kum 2011 khan he bialah vek hian a ṭum thumna atan Bodoland People’s Front (BPF) party hminga dingin a tling leh bawk a ni.