NIA-in Manipur organisation lakah charge sheet thehlut

National Investigation Agency (NIA) chuan self-styled or­ga­nisation, India laka Manipur indepdence puang a, an hna­thawhna atana fund  khawn ṭhin Manipur State Council leh he pawl mi leh sa mi panga lakah charge sheet a thehlut. 

Manipur State Council hi kum 2019, October 29 khan London-ah din a ni a, he pawla self-styled external affairs & defence minister Narengmbam Samarjit Singh leh an chief minister Yambem Biren-te chuan India laka Manipur independence thu hi an lo puang tawh a ni. 

NIA-in charge sheet a thehluhah hian Narengbam Samarjit Sing leh Yamber Biren-te bakah Narengbam Biswajit Singh, Elangbam Brojendro Singh, leh Akoijam Deepa Anand-te hming tarlan a ni. Official-te chuan heng mi pangate hi Indian Penal Code (IPC) leh Unlawful Activities (Prevent) Act hnuaiha thubuai siamsak an ni tih sawiin, charge sheet hi Imphal-a special NIA court-ah thehluh a ni tih an sawi.