Sikkim assembly-in vote-on-account pass

Sikkim Legislative Assembly chuan kar liam ta Zirtawpni khan 2021-22 fiscal year-a thla hmasa pathum atana sorkar sum hman tur, vote-on-account-a cheng vaibelchhe 2,321.48 a ruahman chu a pass. 

Finance changtu, chief minister Prem Singh Tamang chuan House-ah financial year thara April-June chhunga sorkar hnathawkte hlawh leh ṭul danga hman tur vote-on-account hi a pharh a, Assembly member 32 te chuan voice vote hmangin an pass a ni. 

House-in a pass tak, vote-on-account ah hian revenue expenditure atan Rs vbc 1,868.62 leh capital outlay-ah Rs vbc 452,85 dah a ni. 

CM hian Sikkim Appropriation (Vote on Account) Bill, 2021 pawh a pharh nghal a, hei pawh hi voice vote hmang bawkin pass nghal a ni bawk. He bill hmang hian state sorkar chuan a ṭula a hman turin consolidated fund aṭangin vote-on-accoutn fund-te hi a la chhuak thei ang. 

Ni khat awh session neihah hian House chuan supplementary grant, Rs vbc 199.88 pawh a pass nghal bawk. 

Chief Minister chuan session hi Covid-19 hri leng vangin ni khat chauh neih a ni tih a sawi a, hri lengin ziaawm lam a pan hnuah session hi neih chhunzawm leh a nih tur thu a sawi.