BJP kaihhruai NDA in Sorkarna siam leh dawn: Nagaland CM

Nagaland Chief Minister Neihphiu Rio chuan Inrinni khan BJP kaihhruai NDA sorkar chuan thuneihna an chang leh ngei dawn tih sawiin, Prime Minister Narendra Modi thuneihna hnuaiah ro an rel leh dawn tih a sawi.  

Nationalist Democratic Prog­ressive Party candidate Tokheho Yepthomi tana a campaign-naah Neiphiu Rio chuan Nagaland chu state te a nih thu leh sorkar laipuia innghat an nih thu a sawi. "State sorkar leh sorkar laipui an thawhdun chauhin thil chu a kal fuh dawn a ni", a ti.

Nagaland-a NDPP kaihhruai People’s Democratic Alliance (PDA) aiawh hian Tokheho Yep­thomi hi LS inthlanah hian a ding dawn a, PDA hnuaiah hian Bharatiya Janata Party (BJP), Janata Dal (United) leh Inde­pendent an awm a ni. Noklak leh Thonoknyu-a rally an neihnaah Rio chuan mipuite chuan remna leh hmasawnna an duh a, chumi tihlawhtling tur chuan PDA candidate chu an thlan tlin a ngai a ni, tia sawiin state-in remna leh hmasawnna a neih theih nan kum 2003 aṭang khan BJP nen an thawkdun tawh tih a sawi.
NPF in Congress candidate an thlawp tur thu an sawi pawh bei zuiin Rio chuan MLA 26 nei NPF in MLA pawh nei lo Congress an thlawp tur chu thil nuihzatthlak tak a nih thu a sawi a ni.