Rahul Gandhi Nagaland-ah campaign dawn

Lok Sabha seat pakhat awmna Nagaland-ah chuan star campaigner eng emaw zat an kal dawn tih tarlan a ni tawh a, vawiin hian All India Congress Committee chief Rahul Gandhi chuan state chhunga a campaign a ṭan dawn nia tarlan a ni.

Rahul Gandhi hian April 8 thleng Nagaland-ah hian campaign hi a nei dawn nia tarlan niin, Dimapur-ah a cam­paign bul ṭanna hi a nei ang. Phek, Kihpire, Tuensang, Mon, Tobu, Mokokchung leh Zunheboto district-ah te pawh rally-ah thu a sawi dawn nia tarlan a ni bawk.  
Nagaland Lok Sabha seat-ah hian sorkar lai PDA candidate leh sitting MP ni bawk,Tokheho Yepthomi leh Congress candidate K.L. Chishi-te an inkhing dawn a ni. Congress candidate hi Naga People’s Front (NPF) chuan an thlawp dawn tih an sawi tawh a, hetih lai hian PDA-ah hian NDPP, BJP, NPP leh Independent candidate-te an thawk ho thung a ni. 

CM Neiphiu Rio chuan MLA 26 nei NPF in MLA pawh nei lo Congress candidate an thlawp tur chu thil nuihzathlak tak a nih thu a sawi tawh bawk.