Nagaland-a Konyak tribe in World Record siam tum Assam-ah Pathianni khan World Record siam

Aoleang Monyu cele­bration cum Mini-Horbill Festival neih turah Nagaland-a Konyak tribe-te chuan Largest Traditional Dance hmanga Guinness Book of World Record-a an hming chuan tir ngei an tum.

Festival hi vawiin aṭang hian hman ṭan a ni dawn a, Zirtawpni hian Empowering Women for Cultural Heritage theme hmanga hun hman a ni dawn a, he hunah hian Konyak hmeichhe 5000 zet chuan hnam lam entir an tum a ni.

He festival hi Konyak Union leh pawl dang eng emaw zat intelkhawmin an buatsaih niin tourism tihchangtlunna tur leh hnam tihdan phungte vawnhim zel a nih theihna atana buatsaih a ni.

Hetih lai hian Pathian­ni khan Assam state khaw­pui Guwahati-a Sona­ram high school playground-ah largest Bihu performance hmangin World Record siam a ni ve bawk. 

Report-a tarlan a nih dan chuan World Record siam tur hian Nasoni 500 leh Dhuliya 100-te chu an kalkhawm a ni.