PM Modi-an Manipur a tlawh dawn MCP-ten boycott an tum

Prime Minister Naren­dra Modi chuan April 7, Pathianni hian Manipur tlawhin election rally-ah thu a sawi dawn niin BJP thupuangtu Chongthan Bijoy chuan a sawi.

Vawiin hian BJP pre­si­dent Amit Shah chuan Manipur-ah hian thu a sawi dawn niin a sawi bawk. Modi hian Imphal-a Hapta Kangjeibung-ah vantlang hmaah thu a sawi dawn thu hi a tarlang a ni.

Hetih lai hian hel pawl Maoist Communist Party Manipur chuan PM Modi-an Manipur a tlawh tur hi boycott an tum tih an sawi, MCP hian pawngsual thubuai nei Th.Nando leh drug king -pin Leikhosei Zou-te tlanbo chungchangah sorkar chu inrawlh nia puhin hemi a nih avang hian Prime Minister in an state tlawh a tum pawh hi an boycott dawn tih an sawi.

Thuchhuah an siam­ah Leikhosei Zou chu Chandel district BJP Vice president hlui a nih thu tarlangin, Chandel-ah hian BJP chuan co­mmunity pahnih thlawpna an mamawh niin an sawi bawk a ni.

Hel pawl hian zing dar 5 aṭanga tlai dar 5 thleng general strike an ko dawn tih an tarlang.