Manipur: IAF chopper hmangin Shirui Peak kang ṭhelh

Manipur-a Ukhruk district-a Shirui Kashung Peak-a ram kang chu ṭhelh mih a la ni lo a, Thawhṭanni khan India Air Force (IAF) chuan tlang kang ṭhelhnan hian helicopter pahnih a tir.

March 25 aṭang khan Shuri Kashung Peak hi a kang ṭan a, kangmei chhuah ṭanna hi hriat chian a nilo. Ram kang ṭhelh hna hi tualchhung mite leh police leh security force-ten an thawk a, mahse a thli a tleh tel avang leh, chet vel a harsat avangin an ṭhelh mit thei lo.

Thawhṭani khan IAF chuan ram kang ṭhelhna atan helicopter pahnih tirin, Bambi Bucket hmangin tuiin an ṭheleh a ni.

Shirui Peak hi sea level aṭanga m 2,835-a awm a ni a, tourist spot pawimawh tak niin, a tlang chhipah hian state flower 'Shirui Lily' tamna hmun a ni a, kumtinin May leh June thla hian scientist, environmentalist leh tourist-te chu heng pangpar par vul lai en tur hian an kal nasa ṭhin a ni.