Assam-ah Yogi Adityanath Congress leh Muslim an thawkdun: Yogi

Uttar Pradesh Chief Minister Yogi Adityanath chuan Inrinni khan Assam tlawhin Lok Sabha inthlan neih turah BJP tan a campaign.

Yogi Adityanath chuan Congress chuan thianghlim lo takin Muslim League an thawh­pui tih sawiin heihi Rahul Gandhi-an Kerala-a Wayanad Lok Sabha seat-a nomination a file dawna flag hring hmuh tur awm chuan hei hi a tichiang hle tih a sawi.

Rahul Gandhi hian Wayanad-ah hian Nilaini khan nomination a file a, Wayanad hi Muslim tamna constituency nia sawi a ni.

Rahul-an nomination a file tur video darhah hian Muslim League flag, flag hring hmuh tur a awm a ni.

Yogi chuan Rahul chu Uttar Pradesh aṭanga tlanchhia-a Kerala-a nomination file-ah a puh a, nomination a file dawn pawhin India flag emaw, Congress symbol kutphah emaw pawh hmuh tur a awm loh laiin Muslim League flag, thla leh arsi lem chuanna chauh hmuh tur a awm a ni, a ti.

Muslim League chu ram inṭhendarhnaa mawhphurtute an ni tih sawiin, khang hunlai khan mi nuai chuang thih chhan pawh anmahni vang a nih thu a sawi. Mahse tunah chuan Cong­ress chuan chung mite chu an thawhpui a ni, a ti bawk.

Assam-ah pawh Congress chuan Badruddin Ajmal-a kaihhruai AIUDF, state chhunga buaina hrang hrang chawkchhuak tute chu an thawhpui tih a sawi.

Modi kaihhruaina hnuaiah India chu global economic power nei parukna a nih thu a sawi. Adityanath hi Inrinni khan BJP Nowgong candidate Rupak Sarmah tan a campaign a ni.