Tripura BJP sorkar in voter-te ngaihthah : ADR
Association for Democratic Reforms (ADR) report tihchhuahah Tripura-a Bharatiya Janata Party (BJP) chuan voter-te chu an ngaihthahin an ngaipawimawh lo hle tih sawiin, sorkar tehna hrang hrang - agriculture, employment, road infrastructure bakah law and order aṭanga teh pawhin an che ṭha lo hle tih an tarlang.
Zirtawpni-a report an tihchhuah, Tripura Survey Report 20189-ah chuan loan lak chungchang, hna tam zawk siam leh dan leh thupek kenkawhte chu voter-te ngaihpawimawh ber pathum an ni tih tarlangin, hemi kawngah hian Biplab Kumar Deb sorkar chu an che chhe hle tih tarlan a ni. Heng sector pathuma an performance chu 'below average' a nih thu tarlan a ni bawk.
An tehnaah chuan point 5-ah Tripura sorkar chuan agricultural loan availability-ah 1.4 chiah an hmu phak a, electricity for agriculture-ah 1.5 chiah hmu phakin better law and order/policing-ah 1.91 chiah an hmu phak thung.
Election watchdog ADR chuan heng bakah hian better employment opportunities (1.43) leh availability of water for agriculture (1.71)-ah te pawh an che chhe hle tih a sawi.
ADR survey hi October 2018 leh December 2018 chhung khan neih niin khawpui voter-te chuan employment, electricity leh kawngpui ṭhate chu an ngaipawimawh tih a sawi bawk a ni.