Young Voter enrolment ratio san berna Meghalaya

Meghalaya Chief Electoral Officer, Frederick Kharkongor chuan Meghalaya-a young voter enrolement ratio chu India rampum ratio aiin a sang tih a sawi.

Frederick Kharkongor chuan India puma young electorate enrollment rate chu 2% chiah a ni tih sawiin, Meghalaya-ah erawh January thleng khan 4.26% a ni tawh tih a sawi. Heihi final list a la ni lo a, final list tihchhuah hunah chuan hei ai hian a la san leh rin a nih thu a sawi bawk.

Meghalaya CEO chuan January thleng khan young voter awm zat chu 76,000 a ni tih sawiin, first time voter list neih kim hunah chuan 80,000 an tlin chhoh a rin thu a sawi a ni.

Inrinni-a Shillong Cafe-a #GoVote open mic event an buatsaiha thu a sawinaah CEO chuan kum naupang zawkte vote chu a hlu hle tih sawiin society-ah pawh midangte hneh thei takte an nih thu a sawi.

#GoVote open mic event an buatsaih chungchang sawiin Kharkongor chuan kum naupang zawk leh ṭhalaite vote thlak tura sawmna tura an buatsaih a nih thu leh Election Commission in a tum, mi zawng zawng vote thlaktirna tura an hmalakna a nih thu a sawi bawk.