AP NPP in Lok Sabha seat khatah leh Assembly seat 27-ah BJP thawhpui dawn

Arunachal Pradesh National People’s Party (NPP) chuan Parlia­men­tary seat pakhatah leh Assembly seat 27-ah BJP an thlawp dawn tih an sawi.

Arunachal hian April 11 hian Lok Sabha leh Assembly inthlan an nei rual dawn a ni.

NPP hian Arunachal Assembly seat 60 awmah candidate 30 neiin Arunachal West parliamentary seat-ah pakhat an nei bawk.

State unit NPP presi­dent Gicho Kabak chuan an party chuan Arunachal East parliamentary constituency BJP candidate Tapir Gao an thlawp dawn tih sawiin, an hotute hnen aṭanga thu an dawn bawhzuia thuchhuah siam an nih thu a sawi.

Arunachal East parliamentary consti­tuency huamchhunga awm assembly seat bung hrang 27-ah te chuan BJP hi an thlawp dawn bawk tih district committee chuan an tarlang a ni.