Arunachal candidate hausa ber Pema Khandu

Arunachal Pradesh Chief Minister Pema Khandu chu seat 60 awmna Assemby inthlan awm tura candidate 184 zingah a hausa ber.

Chief Minister Pema Khandu hian movable leh immovable assets cheng vaibelchhe 163 man hu a nei a ni. Candidate 131 velin affiadavit thehlut tawhin heng zinga 71% chu crorepati an ni pha a, an hausak zawng chawhrual chu cheng vaibelchhe 9.86 a ni pha bawk.

Pema Khandu hi Mukto Assembly constituency-ah a ding dawn a, movable assets cheng 1,43,87,82,786 hu neiin immovable assets cheng 19,62,75,356 hu a nei bawk a ni.

Khandu dawtah hian East Siang Congress candidate Lombo Tayeng chu awmin a ni hian movable leh immovable assets cheng vaibelchhe 148 hu a nei. Pathumnaah hian BJP Tawang candidate Tsering Tashi awmin, a hausak zawng hi cheng vaibelchhe 109 hu a ni. CM Khandu hi 2011 leh 2014 khan khingtu awm loa hnehna chang a ni a, kuminah erawh khingtu tur a nei tawh dawn thung.

Affidavit thehlut zinga candidate 67, contestant zawng zawng zinga 36% chuan cheng vaibelchhe 5 an nei tling. Sorkar lai BJP candidate zinga 90% chuan cheng vaibelchhe khat an nei tling a ni.

Hetihlai hian Congress hian candidate 46 neiin, heng zinga 30 (65%) hi corepati an ni ve bawk.