Manipur HC in NSA hnuaia journalist man chhuah turin ti

Manipur High Court chuan Thawhṭanni khan thupek tichhuakin National Security Act hnuaia man journalist Kishorchandra Wangkhem chu chhuah turin a ti.

Justice Lanusungkum Jamir leh Justice KH Nobin Singh-te kaihhruai bench chuan Imphal West district magistrate thupek tihchhuah tawh NSA hnuaia Wangkhem manna chu sutin chhuah tur hian thupek hi an tichhuak a ni. Bench chuan television journalist Wangkhem chu thubuai danga man a nih loh chuan chhuah turin thupek an tichhuak tih Wangkhem-a counsel Soraisam Chittaranjan chuan a sawi.

Kum 39 Wangkhem hi nikum November khan Imphal West district magistrate thupek angin NSA hnuaiah man a ni a, Facebook-ah BJP, RSS, Prime Minister Narendra Modi leh Manipur Chief Minister N Biren Singh-te a sawisel avangin an man a ni. November 21 khan man niin thla 12 chhung tang tura tih a ni.