AP candidate 29 ten criminal record nei

Election watchdog Association for Demo­cratic Reforms (ADR) in report a tihchhuah aṭanga a lan danin Aru­nachal Pradesh state Assembly inthlan awm tura candidate 184 zinga 28 chuan criminal record an nei.

April 11 hian Aruna­chal Pradesh hian Lok Sabha inthlan leh Assem­bly inthlan an hmachhawn rual dawn a ni.

ADR report chuan candidate 29 zinga pakua chu Congress candidate an nih thu tarlangin, pasarih chu BJP an ni thung. Candidate criminal record nei hi candidate zawng zawng aṭanga 16% a nih phak thu tarlangin 2014 kha chuan 6% chiah a nih thu an tarlang.

Criminal record nei zinga pahnih hi National People's Party candidate an ni a, JD(S) candidate zingah pakhat awm bawkin independent-a ding tur pakhatin a nei bawk.

Tun ṭum Arunachal Pradesh Assembly inthlan­ah hian seat awm zawng zawng 60-ah BJP chuan din vek an tum a ni.