BJP advertisement tihchhuah vangin ECI-in Assam chanchinbute notice a pe

Election Commission of India (ECI) chuan Assam-a chanchinbu pariatte chu state asse­mbly inthlan thawh khatna, kar liam ta Inrinni-a neih takah khan BJP-in hnehna an chang vek dawn tih tarlanna adver­tisement an chhuah avangin insawifiah turin hriattirna a pe.

Congress party chuan vote thlak tuk leh, inthlan thawh hnihna leh thawh thumna an la hmabak mek laia chanchinbua adverstisement tihchhu­ah hian ECI kaihhruaina siam te, model code of conduct leh Repre­sentation of People Act, 1951 a bawhchhia nia sawiin, BJP hruaitute leh advertisement tichhuaktu chanchinbu te lakah hian complaint a lo thehlut tawh a ni. Hemi hnu hian ECI chuan chanchinbute hnenah hian hriattirna hi a pe ta a ni.

Assam chief electoral officer Nitin Khade chuan chanchinbute hnenah hian kar leh Thawhṭanni zan dar 7 hmain Com­mission hnenah an in­sawi­fiahna thehlut turin a hriattir.

ECI chuan Assam-a assembly inthlan neih a nih avangin March 7 zing dar 7 leh April 29 zan dar 7;30 inkarah election result kaihhnawih leh exit poll result te chu print leh electronic media-a tihchhuah a khap a ni.