Shillong-ah de-addiction centre hmasa ber tur lungphum phum

Meghalaya state social welfare minister Kyrmen Shylla chuan Thawhlehni khan New Shillong Township-ah de-addiction centre dinna tur lungphum a phum.

He centre hi PP model hmangin KRIPA Foundation chuan social welfare department thawhpuina hnuaiah a enkawl dawn a ni. Hmarchhak bial leh Meghalaya state-a youth de-addiction centre hmasa ber tur a ni.

Minister Shylla chuan an state chhunga ṭhalai ruihhlo hmang sualte chhanchhuah hna thawk turin NGO tam zawkin hma an lak a ngai tih a sawi. Ruihhlo bawiha tangte chu counselling leh treatment pek ṭhat an ṭul thu sawiin, an state-a ruihhlo hluarna district-ahte hetiang facility hi a awm ṭha lo tih a sawi. He centre hmang hian naupang zawkte chu ruihhlo ṭhat loh zia leh ruihhlo laka an fihlim theihna turin hma lak a ni dawn tih a sawi bawk.