Inthlan vuakvetah Tripura-ah ramri khar

Lok Sabha inthlan vuak­vetah boruak ralmuang tak a awm theih nan Tripura West parliamentary constituency-ah chuan venhimna khauh taka kalpui a ni.

Superintendent of Police for West Tripura district, Ajit Pratap Singh chuan inthlanni puan a nih aṭang khan ramri khar a nih thu sawiin, inthlan hma darkar 48 la awm aṭang phei kha chuan BSF-te chu an fimkhur zual hle tih a sawi. Police-te chu ṭhuang hniha duty tir an nih thu sawiin, para­military force-te chu booth level-ah venhimna kenkawh tir an nih bakah patrollling party-te pawh dah an nih thu a sawi a ni.

Singh chuan candidate-te phei chu venhimna uluk tak pek an ni tih sawiin, candidate pangate phei chu double escort bakah PSO (personal security officer) pek an ni tih a sawi.