Meghalaya: Agatha Sangma-in chak inring

Meghalaya-a Lok Sabha inthlana NPP Tura constituency candidate Agatha Sangma chuan hnehna a chan ngei a rin thu a sawi.

Nimina vote a thlak zawh hnua media miten an kawmnaah Agatha chuan NPP in hnehna an chang ngei dawn tih chu rinhlelh theih a ni lo tih sawiin chak ngei a inrin thu a sawi. Inthlan chu thil awlsam a ni ngai lo tih sawiin, rim takin an thawk a, an thawhrim man chu an tel ngai a rin thu a sawi a ni.

Inthlan zawh leh result puan inkarah engtin nge hun hman a tum tia zawhna chu chhangin election campaign hunlaia a tlawh hman loh hmunte tlawha hun hman a tum tih a sawi.

Garo mipuite chuan an theihnghilh loh a beisei tih sawiin Garo mipui ten an hmangaihna avangin hnehna an chan ngei a rin thu a sawi. Pathian-ah rinna a nghah tlat thu leh Garo mipuite tan chuan ruahmanna fel tak Pathian-in a neih a rin thu a sawi bawk.