Nagaland: Konyak dance hmangin World Record siam

Guiness World Re­cords chuan kar hmasaa Nagaland-a Konyak dance neih chu “largest traditional dance” record-ah a pawm tih Konyak tribe official chuan Nilaini khan a sawi.

Konyak hi 16 Naga ethnic tribe zinga tribe pakhat an ni a, Nagaland Mon district-a khawsa niin lu la hnam tia hriat ṭhin an ni.

Guinness World Record chuan record an siam tih an thawnna leh­khaah April 5, 2019-a Konyak dance neihah chuan mu 4,687 an tel thu ab sawi a, record siamtu chu Nagaland-a Mon district-a Konyak Union (India)-te an nih thu an tarlang.

Konyak Union president Manlip Konyak chuan Guinness World Records in Thawhlehni zanah khan an record siam chu an pawmsak thu an dawng tih a sawi.

April 5 khan Konyak dance hmanga record siam tum hian Aoleang-cum-Mini Hornbill Festival-ah lam kutpui hi an buatsaih a ni. He hunah hian thing­tlang khua 115 aṭang­in hmeichhia 4,687 chu Konyak Naga traditional attire hlanga incheiin an lam a, minute nga leh secund hnih an lam a ni.