Feb 26 aṭangin Rs vbc 110.83 hu thil man tawh

Inthlan neih tur avanga Assam-a Model Code of Con­duct (MCC) hman a nih ṭan, February 26 aṭanga Nilaini thleng khan police, flying squad leh sur­veillance team-te chuan state chhung hmun hrang hranga beihpui an thlaknaah vote zawnna atana hman tum, pawisa fai bakah zu leh thil dang cheng vaibelchhe 110.83 hu an man tawh.

Nilainia official thuchhuah chuan, an thil mante hi ruihhlo lam chi Rs vbc 34.29, zu litre nuai 16.61 chuang Rs vbc 33.44 man, pawisa fai Rs vbc 24.50, tlereuh Rs vbc 3.68 leh thil dang Rs vbc 14.91 hu an ni tih a sawi.

Police-te hian can­­didate/party-ten campaign-na atana sum an hman theih zat bithli­ah bawhchhiat chung­changah FIR 50 an ziak lut tawh a, excise law bawhchhe lakah FIR 5,234 an ziak lut tawh bawk. CVigil app hmanga MCC baw­h­chhia report chu March 30 thleng khan case 1,272 a awm tawh a, heng zinga case 908 chu enfiah niin com­plaint thehlut chu a dik ngei tih fiah a ni bawk. Heng bakah hian offline-in thubuai 1,424 thehluh a ni tawh bawk a ni.