Meghalaya CM Silchar-ah campaign

National People's Party(NPP) president leh Meghalaya Chief Minister ni bawk Conrad K. Sangma chu Inrinni khan an party MP can­didate Nazia Yasmin Mazumder tan Silchar-ah a campaign.

Silchar constiuency hi April 18 hian an inthlang dawn a ni.

2011 chhiarpuia a lan danin Silchar constituecy-ah hian mipui 16,77,821 an awm a, heng zinga 81.2% hi rural area a awm niin 18.8% chiah hi urban area-ah an awm a ni.

Nazia Yasmin Ma­zum­der hian Congress sitting MP Sushmita Dev leh BJP candidate Dr Rajdeep Roy-te chu a khing dawn a, bial ngaih­nawm tak a nih rin a ni.

Anni pathum bakah hian Silchar constituency-ah hian Socialist Unity Centre of India (Com­munist) can­didate Shyam Deo Kurmi-te, All India Trinamool Congress candidate Hitabrata Roy te, All India Forward Bloc candidate Ba­drul Islam Bar­bhuiya te bakah Inde­pendent candidate- Ashi­tava Datta, Ashutosh Bhattacharjee, Nazmul Haque Laskar, Puran Lal Goala, Shuvadeep Datta, Mohendra Chandra Das, leh Sabindra Das-te pawh an ding dawn a ni.