Inthlan thawh khatnaah Assam-ah vote 78.23% a tla

Lok Sabha inthlan thawh khatna chu kar liamta Ningani khan neih a ni a, Zirtawpni tlaiah khan Assam bik report kimchang hi tihchhuah niin constituency pangaa inthlan an neihnaah vote 78.23% a tla.

Kaliabor constituency-ah vote tla ṭha berin 82.09 % a tla a, Tezpur-ah 79.15% tla in Jorhat Lok Sabha constituency-ah 77.38% a tla thung a ni. Dibru­garh-ah chuan 77.26% a tla bawk.

Lakhimpur constituency-ah chuan 74.81% a tla thung a, inthlan thawhkhatna neihnaah chuan Lakhimpur-ah hian vote a tla chhe ber a ni.

Assam-a inthlan thawhkhatna neihnaa constituency pangaah te hian polling station 9,754-ah vote thlak niin zing dar 7 aṭanga tlai dar 5 thleng vote hi an thlak a ni. Heng constituency-a vote thlak thei awm zawng zawng zat chu 76,03,458 niin heng zinga 37,37,970 hi mipa an ni a, third gender 154 an awm bawk.

Election Commission of India chuan security personnel company 180 dahin, heng bakah hian polling station tinah constable pakhat ṭheuh dah a ni bawk niin Chief Electoral Officer chuan a sawi.

Assam-ah bik hian Ningani khan Micro Observer 614 awmin Flying Squad Teams (FST) 151, Static Surveillance Teams (SST) 137 leh Video Surveillance Team 118 an awm a, candidate 41 an awm bawk.