Tripura: IPFT ṭhalai 1,000 in Congress an zawm

Tripura Pradesh Congress Committee (TPCC) presi­dent Pradyot Kishore Deb Burman chuan Inrinni khan Indigenous Peoples Front of Tripura (IPFT) ṭhalai 1,000 velin Congress an zawm tih a sawi.

Khowai district-a IPFT thlawptu ṭhalai 300 velin Congress an zawm thu leh Dhalai district-a Kamalpur-ah 700 velin an zawm bawk tih a sawi a ni.

Pradyot Kishore Deb Burman chuan regional party hruaitute chuan an mite chu an phatsan tih sawiin an thutiam an hlen lo tih a sawi. IPFT thlawptu te chuan an hotu N C Debbarma-an Congress vuak chhiat nan leh BJP puihna atan nomination a thehlut tih leh, campaign lam pawh a buaipui lo tih an hriat hnuah Congress chu an zawm a ni, a ti.