Jaintia Hills-ah cyclone a tleh

Pathianni khan Me­gha­laya-a Jaintia Hills-ah chuan cyclone na tak a tleh a, biak in chung a lak bakah in eng emaw zat a len chhe bawk.

Cyclone tlehna hi West Jaintia Hills a nih thu tarlan niin Madur, Mihmyntdu, Ummulong, Sabah khuate bakah khaw dang eng emaw zat a nuai bawk a ni. Thingkung tam tak a tluk bakah inchung tam tak a la bawk a, thu­lakna in a tarlan dan chuan hmun eng emaw zatah chuan current line pawh a chhia a ni.

Thingkung tlu hian inkalpawhna kawngpui te pawh a block a, khaw ṭhenkhatah phei chuan Inrinni aṭang khan rial leh thlipui a tleh bawk avangin harsatna nasa tak an tawk.

Cyclone hian Um­mulong khuaa Catholic biak in chung a la a, Lakadong khuaah chuan in a kang bawk niin an tarlang.

Thi leh hliam an awm thu report-ah tarlan a ni lo a, West Jaintia Hills thuneitute chuan chhiatna thlenna hmun hrang hrang hi an tlawh nghal a ni.