Shillong-a curfew puan hlip ta

Meghalaya-a East Khasi Hills district thuneitute chuan Shillong boruakin ngai a awh chhoh tak vangin nimin aṭang khan curfew an hlip. 

Khasi Students' Union (KSU) ten February 28-a Ichamati-a Citizenship Amendment Act (CAA) duh lohna lantira rally an huaihawtnaah non-tribal te nen intibuaiin, tharum thawhna a thleng zui a ni. Buaina chhuakah hian KSU member pakhat a thi a, hei vang hian Shillong leh a chhehvelah curfew puan zui a ni. Police-te chuan  buaina chhuak kaihhnawihah mi pariat an man tawh bawk. 

Police-te chuan thil duh awm lo thleng a awm zui tawh lo tih sawiin, boruak pawh a pangngai tawh tih an sawi. Deputy Commissioner Matsiewdor War Nongbri chuan nimin zing dar 5 aṭang khan Shillong leh a chhehvela curfew puan chu hlih a nih thu a sawi. Mahse Sohra civil sub-division huam chhungah erawh la puan chhunzawm a ni thung.