Hailakandi district-ah punkhawm khap

Assam-a Hailankandi district pumah mi panga aia tam punkhawm khapna, CrPC Section 144 chu kar liam ta Inrinni aṭang khan puan a ni. 

Dol Jatra (Holi) kut, vawiin leh naktuka hmang tura an inbuatsaih laiin he thupek hi puan a ni a, hei hi boruak muanawm a awm theina tura ti an nih thu District Magistrate Keerthi Jalli chuan a sawi. Holi hman laiin tui rawng nei, bawng ek, chirh leh thil dangte chu security mi leh sa duty lai leh, mi dangah pawh an duh loh chung theh khap a nih thu Jalli chuan a sawi bawk. 

Punkhawm khapna thupek hi nimin aṭang khan hman ṭan niin, March 12 thleng a awh ang.