Meghalaya NPP candidate show cause notice pe

Meghalaya-a Selsella Assem­­bly constituency retur­ning officer chuan Pathianni khan NPP candidate, Ferlin CA Sangma chu model code of conduct bawhchhiaa puh a nih avangin show cause notice a pe.

April 11, Lok Sabha inthlan thawh khatna neih ni khan Selsella Assembly constitu­ency hian by-election an hma­chhawn ve bawk a ni.

RO chuan Pathianni zan dar 7 hma ngeia insawifiah turin CA Sangma chu a hriattir a, Sangma pawh hi a insawifiah nghal bawk.

Hetih mek lai hian Selsella constituency hnuaia Konarchar polling station-ah chuan Thawhṭanni khan inthlan ṭhat buatsaih a ni a, 93% vel vote a tla.

Ferlin CA Sangma hi INC election agent in complaint a thehluh vangin show cause notice pek a ni a, complaint lutah hian April 13 khan Konorchar khuaah hian hmuh a nih thu tarlan a ni. Konorchar-ah hian April 15-a inthlan ṭhat tur hi thupek tihchhuah a nih tawh avangin model code of conduct bawhchhia niin an puh a ni.