ECI in Tripura East LS inthlan tur tikhawtlai

Tripura East Con­sti­tuency chu April 18-a Lok Sabha inthlan thawh hnihna neihna tur zinga telh ni mah se, Election Commission of India (ECI) chuan inthlan hun hi April 23-ah a tihkhawtlai sak.

Tripura Chief Electoral Officer (CEO), Sriram Tarani­kanti chuan Tripura East-a inthlanna muanawm tak a awm theih nan ECI chuan he thutlukna hi a siam tih sawiin, tuna state chhunga force awmsa te pawh tam zawka patrolling neihtir an tum tih a sawi. Ta­ranikanti chuan inthlanna dik leh zalen a awm zawkna tura ti an nih thu a sawi bawk.

State Additional Di­rector General of Police chu sawn a nih thu sawiin media ṭhenkhat chuan Director General of Police in direct in dan leh thupek kalpui dan chu a enpui dawn tih an tarlang a ni.

Report ṭhenkhat chuan Bha­ratiya Janata Party (BJP) chu booth capture leh hmun ṭhenkhata inthlan tichingpena puh an nih avangin dan leh thupek kenkawhna kawnga fimkhur thu hlaah inthlan hi an tikhawtlai niin an tarlang thung a, mahse hei hi a chhan tak a nih leh nih loh thu erawh official lam chuan an tarlang lo.

Communist Party of India- Marxist (CPI-M) leh Congress chuan April 11-a inthlan thawh khatna neihah khan BJP chu vote tichingpenah an puh a, mipuite chu an fimkhur tawh hle niin an sawi bawk.