Tripura: CPI-M in booth 464-ah inthlan ṭhat ngiat
Tripura-a eptu party lian Communist Party of India- Marxist (CPI-M) chuan Lok Sabha inthlan thawh hnihna neih hma ngeiin west Tripura constituency-a booth 464-ah inthlan ṭhat an ngiat tih Thawhlehni khan an sawi.
CPI-M hian Chowmuhani-ah Thawhlehni khan inthlan ṭhat leh ngiat hian darkar thum chhung nawrh an huaihawt a ni.
Chief minister hlui leh opposition leader ni mek Manik Sarkar, State CPI (M) party secretary Bijan Dhar, East Tripura Lok Sabha candidate Jitendra Chaudhury leh hruaitu lian tam tak chu nawrh huaihawtnaah hian an tel.
CPI-M chuan BJP chu inthlan thawh khatna neihnaah khan vote tichingpenah an puh a, hemi avang hian mipuite pawh an fimkhur tawh hle tih sawiin, vote thlaktute chuan an tihsual ngai chu an tisual tawh dawn lo tih an sawi. Voter-te chuan inthlan thawh hnihnaah chuan CPI-M an vote tawh ngei dawn tih an sawi bawk.