Thawhho ṭhat vangin Covid-19 hri darh tur kan veng thei : AP minister

Arunachal Pradesh health and family welfare minister Alo Libang chuan an state-a Covid-19 hri darh zual zel tur chu healthcare leh frontline worker bakah mipuite thawhhona ṭhat avangin an veng thei tih a sawi.

Minister chuan hri darh zel tur hi ven theih ni mah se, ram pumah hripui leng thawh hnihna a thlen mek avangin mipuite inthlahdah lo turin a chah. Hri leng thawh hnihna hi April thla laihawl velah a peak a thleng dawn niin scientist-ten an chhut tih a sawi bawk.

Hun eng emaw chen chu an state-a hri kai thar hmuh an ni lo a, hetiang zela an awm theihna tur hian mipuite chu fimkhur reng turin a chah.

Arunachal Pradesh chu inner line permit (ILP) system hmanna a nih avangin state-a luh tumte tan ILP neh zel a ngai a, pawn lam aṭanga lut turte khuahkhirhna a awm avang hian hri darh zel tur venna kawngah pawh nasa takin a pui tih minister chuan a sawi.