Assam election 2021: Election office aṭanga Rs nuai 55 rutu sorkar hnathawk pahnih man

Assam assembly inthlan neihna atana senso tur, Barpeta district-a election office aṭangin cheng nuai 55 rutua puh, sorkar hnathawk pahnih chu man an ni tih official-te chuan an sawi.

Election Officer office aṭanga sum ruk a nih thu hi Inrinni zing khan hriat a ni a, Barpeta police station-ah FIR thehluh nghal a ni. Hemi chungchang hi police-te chuan chhuiin, he office-a thawk pahnih, computer operator leh junior assistant-te chu manin thu zawhfiah an ni a, pawisa bo pawh hi hmuh let leh vek a ni tih superintendent of police chuan a sawi a ni.

Heng pawisate hi April 2 khan bank aṭanga lachhuakin, inthlan thawh thumna April 6-a inthlannaa duty turte hnenah an ei leh in tur leina tur leh, ṭul dang atana sem turin thingremah dah ṭhat a ni.