ULFA(I)-in an mi hren dang chhuah belh leh

United Liberation Front of Asom (Independent) helpawlin nikum December 2-a Arunachal Pradesh aṭanga Quippo Oil and Gas Infrastructure Limited hnuaia thawk mi pahnihte chu chhuah an ni ve ve ta.

Inrinni liam tak han ULFA(I) hian an mi man pakhat zawk, Pranab Kumar Gogoi chu Changlang district-ah an lo chhuah tawh a, a hnuah radio operator Ram Kumar chu Nagaland-a India-Myanmar border bulah chhuah a ni ve leh a, Assam Rifles-te kutah a awm mek a ni.

Assam Rifles-te chuan Ram Kumar hi medical examination te neih sakin, thu an zawhfiah dawn a, hemi hnu hian a chhungte hnenah hlan a ni ang.